الرئيسية / مرأة / المرأة والطفل / الصحة والجمال / إستعدادًا للعيد…ماسكات لتفتيح البشرة

إستعدادًا للعيد…ماسكات لتفتيح البشرة

كتبت / ألاء أشرف

بما إننا داخلين على العيد المفروض زي ما بنرتب البيت نعمل حساب الوش اللي داخل العيد عشان الفرحة تكمل.

“ماسكات لتفتيح البشرة”

١- الباكينج باودر مع اللبن :-
هنخلط معلقة من الباكينج باودر مع نص كوباية لبن رايب ونخلطها كويس مع بعض، ممكن تتحط على الوجه بشكل يومي لمدة أسبوع، والخلطة ملهاش آثار جانبية.

٢- الأرز مع ماء الورد :-
هنطحن معلقتين من الرز لحد مايكون ناعم وهنحط عليها ماء ورد وياريت ماء الورد يكون من عطار مش صيدلية، وبتتحط على الوجه لمدة ربع ساعة، وبعدين بنشيل الماسك بالمياه، ممكن نستخدمه أكتر من مرة خلال الأسبوع.

٣- النشا مع ماء الورد :-
هنخلط معلقة من النشا مع معلقة من ماء الورد وهنخلطها مع بعض، وبيتم دهن الوجه بالخليط وبيتساب أقل مدة ربع ساعة، بيتغسل بالمياه وفعاليته سريعة.

٤- ماسك قشر البرتقال المجفف ولبن الزبادي :
هنجفف قشر البرتقال فى الشمس وبيتم طحنها لحد ما تبقي هشة، هناخد معلقة كبيرة منها مع لبن الزبادي لحد ماتبقي عجينة ناعمة، بيتم وضعه على الوجه لمدة ربع ساعة ويُشطف بالمياه الدافية.

٥- ماسك الحليب وعصير الليمون والعسل :
مبدأيًا لو بشرتك حساسة مش هنحط ليمون، هنحط معلقة كبيرة من الحليب ومعلقة صغيرة من العسل ومعلقة كبيرة من الليمون، هنخلطهم فى وعاء والماسك بيتحط تلت ساعة، يُشطف بالمياه الدافي، أفضل ميعاد للماسك ده قبل النوم.

٦- ماسك الطماطم :
٣ معالق كبيرة من عصير الطماطم مع معلقة كبيرة عصير ليمون مع معلقتان كبيرتان من كريم الحليب، هنخلطهم ويتم وضعه على الوجه والرقبة، هيتحط الماسك لمدة ربع ساعة ويُشطف بالمياه الباردة، بيتم إستخدامه مرتين فى الإسبوع.

••الماسكات دي مش هتاخد وقت من يومك بس هتفرق مع بشرتك ونفسيتك جدًا.

عن عشموذيع-Ashmozea