الرئيسية / مرأة / المرأة والطفل / الصحة والجمال / “فوائد ماء الورد للبشرة”

“فوائد ماء الورد للبشرة”

كتبت / ألاء أشرف

ماء الورد شئ أساسي يكون فى بيت كل بنت، وده لفوايده المتعددة، ومن المهم يكون المصدر اللي هيجي منه ماء ورد يكون مصدر موثوق علشان نتأكد أنه متضافش له شئ يقلل من قيمته الغذائية.

يُعد ماء الورد من المصادر الغنية بالفيتامينات مثل فيتامين ج، وفيتامين د، وفيتامين أ، وفيتامين ب ٣، بالإضافة إلى المعادن زي الزنك، وبيحتوي على مضادات أكسدة وغيرها من العناصر الضرورية اللي بتعود فايدتها للجسم والجلد.

فوائد ماء الورد :-

١- يمنع ظهور أعراض الشيخوخة وبيحمي البشرة من التجاعيد.

٢- بيتحكِم فى درجة حموضة البشرة بالإضافة للزيوت الزايدة فى الوجه.

٣- يقلل من تهيُج الجلد وإحمراره وإلتهابات الجلد بما فيها الإكزيما وحب الشباب لإنه يعتبر مطهر فبيزيل الزيوت والشوائب والأوساخ المتراكمة فى مسامات البشرة.

٤- يجدد خلايا أنسجة البشرة وبيقويها.

٥- بيرطِب البشرة وينشطها وبتكون مشرقة ونضرَة.

٦- ممكن نستعمله كـ مزيل للميك أب وبيتحَط بقطنة.

٧- ممكن نثبت بيه الميك أب، بيتحَط فى بخاخة ويترَش بيها بعد ما تخلصي.

٨- بيهدي البشرة من حروق الشمس وآثارها.

٩- ممكن كمان نستعمله على أنه كمادات للعين، بيتحط نقطة فى قطنة ويتحط على العين قبل النوم أو أول ما تصحي، بيشيل الهالات ويقلل إنتفاخات العين.

١٠- ممكن نستخدمه كمان فى أي ماسك.

١١- ممكن نستخدمه كـ تونر ونقفل بيه المسام بعد أي ماسك أو غسول.

١٢- بيحافظ على لون البشرة الصحي.

مع العلم أنك تكوني حريصة فى التعامل معاه لأن كل شئ له فوايد وله أضرار.

عن عشموذيع-Ashmozea