الرئيسية / مرأة / المرأة والطفل / الصحة والجمال / طرق لتنعيم الشعر الهايش

طرق لتنعيم الشعر الهايش

كتبت / ألاء أشرف

الشعر الهايش هو الشعر اللي بطبيعته ناعم مش مجعد ولكن هايش لأي سبب زي أن الشعر ضعيف، التعامل معاه بطريقة غلط ..الخ، والمشكلة دي للأسف عند أغلب البنات، فإليكِ الحل.

علشان نعرف حل المشكلة لازم نعرف أسبابها ونتفادي الأسباب دي.

أسباب هيشان الشعر :-

١- السيشوار والمكواه من الكوارث اللي بتدمر الشعر، حتي لو بتدي شكل حلو للشعر فى الأول ولكن بتدمر الشعر على المدي البعيد.

٢-سبراي تثبيت الشعر بيؤدي للهيشان وبيسبب الجفاف.

٣- الصبغة بتجهِد الشعر بشكل كبير بسبب الكيماويات الموجودة فيها.

٤- غسل الشعر مهم ولكن الإفراط فى غسل الشعر وخصوصًا بالشامبو بيضر الشعر وبيسبب هيشان.

٥- قبل ماتلبسي الحجاب لازم تسرحي شعرك.

٦- لما تسرحي شعرك يكون بهدوء، الحرب العالمية اللي بتعمليها مع شعرك دي بتظلمي بيها شعرك جدًا ولازم لما تربطي شعرك مينفعش تكون الربطة مشدودة.

٧- عدم الترطيب.

الحل :-

١-الزبادي:
معلقة زبادي كبيرة مع معلقتين بن كبيرة مع نوع كريم مناسب لنوع شعرك ومعلقة خل، هنضربهم فى الخلاط ويتم وضعه على الشعر ونسيبه ربع ساعة ونغسله.

٢-البيض:
بيضة كبيرة مع ٣ معالق زبادي كبيرة، هنخلطهم كويس ويتم وضعه على الشعر عشر دقايق ونغسله.

٣- الزيوت:
زيت الزيتون، زيت اللوز المر، زيت الخروع، بندفيه على النار وبيتم وضعه على الشعر ربع ساعة ونغسله “حمام زيت”.

٤- السمن:
من الطرق القديمة واللي أمهاتنا كانت بتستخدمها زمان وهي بالفعل مفيدة جدًا ونتيجتها مضمونه، كمية سمن مناسبة لشعرك مع زبادي على قد كمية السمن، هنخلطهم ويتم وضعهم على الشعر ساعة، مرتين فى الأسبوع.

٥- قص الأطراف:
قص أطراف الشعر كل ٤٥ يوم بيساعد على علاج الهيشان.

٦- البلسم:
فنجان بلسم مناسب لشعرك مع كمية مناسبة من العسل “الأبيض” مع معلقة صغيرة زيت زيتون، هنخلطهم ويتم وضعهم علي الشعر لمدة ساعة ونغسله.

٧- السيروم:
السيروم اللي فيه سيليكون بيدي ملمس ناعم للشعر.

علشان ده ينجح معاكِ لازم تختارى مشط كويس لشعرك ويفضل يكون خشب، نسرَح شعرنا بهدوء من غير شد وقطع، نستعمل نوع شامبو مناسب للشعر والبلسم كمان، دايمًا كل أسبوع يكون فيه حمام كريم أو حمام زيت.

عن عشموذيع-Ashmozea