فوائد زيت الخروع

كتبت / ألاء أشرف

زيت الخروع من الزيوت المفيدة جدًا للشعر، مش بس شعرك، لأ ده لشعر رموشك كمان وحواجبك.

••فإليكِ فوائد زيت الخروع:

معروف أن الشعر بيطوَل بمعدَل سم فى الشهر، ولكن مع استخدام الزيت ده بيزود معدل النمو لـ ٣-٤ أضعاف المعدل الطبيعي.

وده لإن زيت الخروع فيه أحماض دهنية وفيتامين “هـ”، وكمان بيعزز الدورة الدموية، وبيتحَط على فروة الرأس وبيعالِج القشرة ودي أحسن ميزة له، بيغذي الشعر وبيديله الرطوبة اللي بيحتاجها شعرك وبيحميه من التقصف.

نيجي بقي على الرموش، لو أنتِ واثقة إنك هتعرفي تحطي زيت الخروع على الرموش من غير ما يلمِس جفن العين يبقي تمام، غير كده هيحصل أضرار أكبر من المميزات، بيتحَط على الرموش قبل النوم، أكرر الرموش فقط، والصبح بيتغسِل بمياه دافية.

ممكن نستخدمه كـ مزيل للميك أب لإنه بينضف البشرة تنضيف عميق فهيشيل أي رواسب للميك أب وبيرطَب.

لو شعر الحواجب خفيف، ممكن تمشي بصباعك اللي فيه زيت على حواجبك بالظبط قبل النوم، ده بيتقِل شعر الحواجب، والصبح يتغسِل بمياه دافية.

عن عشموذيع-Ashmozea