الرئيسية / مرأة / المرأة والطفل / الصحة والجمال / كيف تختارين لفة الحجاب المناسبة

كيف تختارين لفة الحجاب المناسبة

كتبت / ألاء أشرف

بشوف بنات جميلة جدًا ولكن اختيارها الغلط للفة الحجاب بيغير شكلها وده مبيكُنش فى صالح منظرها العام، خلينا نعرف إزاي نختار لفة حجاب مناسبة لشكل الوجه بتاعنا.

١- الوجه الدائري:

يُفضل متلبسيش بندانة لأنها بتخفي جزء من الجبهة وأصلًا الوجه الدائري الجبهة بتكون فيه ضيقَة، كمان الطرحة متبقاش مشدودة علي الوَجه علشان متبرزش الخدود بشكل مش لطيف.

٢- الوجه المربع:

مينفعش نحِط الطرحة تحت الدَقن أو سحبَها بشكَل يبين بروز الفَك أكتر، ولفِي الحجاب بطريقة تبين الوجه مستدير مع بندانة صغيرة تحت الحجاب وبردو ميكُنش مخفي جزء كبير من الجبهة.

٣- الوجه البيضاوي:

بيليق عليها اللفات التركي والخليجي فَمتقيديش نفسِك بلفة حجاب معينة، ممكن كمان تحطي بندانة تحت الحجاب ونركز علي شكل اللفة اللي تبين الوجه.

٤- الوجه القلب:

عمَل تنية للطرحة عند الجبهة علشان نعمل نوع من أنواع التوازن فى شكل الوجه وتقسيماته تكون باينة، واعتمدي علي لفة حجاب فضفاضة عشان تداري الجبين العريض وممكن استخدام بندانة سوري علشان نغطي جزء كبير من الجبين.

٥- الوجه المستطيل:

لما تلبسي طرحة هتقللي جزء كبير من طول الوجه من خلال بندانة تحت الطرحة وسحبَها شوية عالوجه علشان تدي شكل دائري للوجه، مع زيادة التني علي جانبين الوجه.

والأهم من أنها تكون مناسبة أنك تكوني واثقة من نفسِك بأي لفة ممكن تلبسيها وأنك تكوني مرتاحة باختيارك.

عن عشموذيع-Ashmozea