الرئيسية / بالعامية / عيد ميلاد

عيد ميلاد

كتبت / اسراء الكيال

عيد ميلاد.. أول مابنسمع كلمة عيد ميلاد تلقائي بيجي في بالنا عيد ميلادنا أو عيد ميلاد أكتر شخص غالي علينا بنحبه وقريب للقلب دايما ؛ كتير مننا بيسمع الكلمه بيفرح وفي بيسمعها وبتلاحظ علامات الحزن والكسره في عنيه .

ال بيفرح بيبقي أكيد مبسوط بوجود الشخص جمبه وفرحان نفسو يعمل أي شئ عشان بس يسعده أو يشوف نظره الفرح في عنيه دا وقتها بيبقي بالنسبه لي أحلي حاجه ف الدنيا .

علي الجانب التاني بنلاحظ شخص حزين طول الوقت بمجرد مايفتكر التاريخ دا ودا بيكون لما الشخص دا بعد عنك أو مات أو أي ظروف حصلت بينكو بعدتكوا عن بعض وقتها بس بيفتكر الكلام والوعود واللحظات الجميله والوقت الطويل ال كنتو بتعيشو أنتو الأتنين سوا بتفتكر وتسرح لوقت طويل وتضحك وبعد مابتفوق بتحس بوجع وكسره قلب لا يحتمل .

مش شرط عيد الميلاد يبقي تاريخ ميلاد شخص كتير بيبقي عيد لما تقابل حب حياتك أو تفرح شخص حزين ، تاريخ جواز ، خطوبه ، أول ضحكه ، ولحظات تانيه كتير بتوقف عندها الزمن وتقريبا بنقف عندها طول العمر ولاخر لحظه بتفضل عايش اليوم دا بكل تفاصيله وأحساسه والفرح ولمعه العيون بتعيش اليوم كأنك فعلا عايشه دلوقتي حالاً مع أن بيكون عدا عليه سنين كتير عمر تاني جوا عمرك حلم جميل بتتمناه يرجع .

عن عشموذيع-Ashmozea