الخوف

كتبت/مريم شديد

الخوف بيقتل أي فرحة جواك.
خوفك من إنك تخسر ناس قريبين منك.. خوفك من إنك تخسر أققرب صاحب ليك.. خوفك من إنك تخسر مكانتك عند ناس هما حاجة كبيرة بالنسبالك، أو إنك تخسر حلمك اللي وصلت له بعد تعب كتيررر ومعاناة.

الخوف بقي موجود معانا في كل حاجة في حياتنا، بقي كأنه جزء مننا مش عارفين نتخلص منه.

ناس كتيرة شايفة إن مفيش مشكلة في إن خوفهم يبقي جزء من حياتهم علي طول، بس ده مش صح خوفك هيخسرك حاجات كتير في حياتك.
فكرت إن خوفك هيجي في وقت وهيخسرك كل متعة في حياتك.

في عز ما هتكون فرحان وطاير من الفرحة خوفك هيقتل فرحتك.

متسمحش لخوفك يتحكم فيك، كل واحد مننا جواه خوف من شئ معين بس في اللي بيقدر يتحكم في خوفه مش العكس ويعيش حياته وبيستمتع بيها، وفي اللي بيخلي خوفه يتحكم فيه وميقدرش يستمتع بأي حاجة في حياته وده أكبر غلط.
طول مانت فيك نفس وعايش هتقدر تتحكم في خوفك لو انت عايز ده، خلي خوفك له حدود.

في حاجات كتير في حياتنا قدامنا وهنقدر نوصلها بس خوفنا اللي مانعنا وبنرجع نندم بعد كده إننا سمحنا لخوفنا يمنعنا، بس ندمك ساعتها مالوش لازمة عمر الندم ما بيرجع فرصة ضيعتها بإيدك.
اتخلي عن خوفك وأوصل للي انت عايزه واللي بتحلم بيه متخليش لحلمك حدود.

عن عشموذيع-Ashmozea