الرئيسية / بالعامية / الصحاب زمان

الصحاب زمان

كتبت / اسراء الكيال

أول حاجه… إيه هوا معني كلمه صحاب وإيه هي الصحبه الحلوه :

الصُحاب مش بعدد السنين ؛ الصُحاب بعدد المواقف ، شكل الربيع والخريف اللى في العلاقة ، الصحاب بعدد الضحك اللى بيترسم جواّك مش بعدد الدمع اللى اتحفر فيك ؛الصحاب في التصرّفات اللي تثبت غلاوتك و مكانتك عندهم .

في خوفهم عليك وحبهم الصادق ليك ، في الشدة قبل الرخاء ، والي يحفظ سرك ويساعدك في مشاكلك ، مش ال يكون أهتمامهم بمصالحهم ووشوشهم الكدابة وغموضهم و أنانيتهم ، أختاروا الصاحب اللي ينفع يعشش في قلبك .

الصحاب رزق ورزق كبير في مننا ربنا أنعم عليه ووسع ف رزقه بالصحبه الحلوه الصالحه لأن الصحاب مش بالكلام و الصور والخروج ، الصُحاب بالمواقف و رد الغيبة في ضهرك و العيش والملح و سندتهم لبعض ، عشان كدة الصُحاب رزق !

لازم نعرف وناخد بالنا إن الصحاب مش بالعدد يكفي صاحب أو أتنين قريبين منك بيهونو عليك وواقفين في ضهرك أحسن من لمه كدابه جمبك .

لو جينا نبص ع الصحاب زمان في الزمن الجميل هنلاقي العلاقه بين الأصحاب كان أحلي وأعمق من كدا في معناها ومضمونها كان الصاحب فعلاً في ضهرك سندك الحقيقي اللي مهما غاب بترجع تلاقيه بنفس الحب والمشاعر والأخوه وكمان بتزيد .

عن عشموذيع-Ashmozea