إنت وحيد

كتبت..منة محمد

محدش هيستحملك أتأكد من ده محدش هيستحملك غير نفسك محدش هيستحمل عصبيتك وكلامك الملغبط محدش هيستحمل إنفعالك وعياطك وتوترك ونفسيتك الوحشه وتكشيرتك محدش

محدش هيستحمل صوتك العالي وقت غضبك
محدش هيستحمل عصبيتك ونرفزتك وكله هيغلطك محدش هيفهم إن ده ضغط نفسي عليك وغصب عنك محدش هيفهم إنك ف وقت ضيقه وصعب ف بتعمل كل حاجة وحشه من عصبيه لتكشيره لصوت عالي لكتئاب ف بسبب ضيقتك بتعمل كل ده محدش هيفهم مشاعرك المتلغبطه ودماغك اللي فيها ميت فكره محدش هيستوعب إنك قد إيه زعلان ومتحطم

محدش هيبص عليك ويقولك مالك واللي هيقولك وإنت تحكيله هيتخنق ويسيبك ويقولك كمل لوحدك أنا مش مستحمل
محدش بيشيل ضيقة حد

كله ساعتها هيسيبك ويغلطك ويقولك إنت مش كويس إزاي تعمل كده إزاي تفضفض إزاي تعلي صوتك إزاي تتكلم كده وألف إزاي وإزاي ؟؟؟
كل ده لمجرد إنك فضفضت وزعقت..

إحنا محتاجين حد هيفهمنا حد يستوعب ويتقبل عصبيتنا وصوتنا العالي حد نقعد قدامه ونفضل نفضفض ونزعق ونعيط ونطلع كل حاجة جوانا ويستحملنا ويقف جمبنا حد أما أزعقله وأنا متعصب وعندي مشكله ميزعلش لإنه عارف إني مش بقصدي وإنها هلفطة إكتئاب وضغط ولما أكلمه بطريقه وحشه وأرد عليه وحش ميزعلش يفهم إنه بغصب عني ويقف جمبي حد يحتويني ويسندني ويرجعني مبهج زي الأول حد يكمل معايا للأخر وميسبنيش ويزهق
حد ميملش مني ويتقبلني بكل أوضاعي وكل حالاتي
مش عاوزين ناس عاوزه تشوفنا طول الوقت بنضحك وبس مش عاوزين ناس عاوزانا طول الوقت هاديين وحلوين معاهم مش عاوزين ناس يشوفونا ويبقوا معانا وقت ما نكون مبهجين وناجحين وبنتعامل معاهم كويس إحنا عاوزين ناس تبقى معانا وإحنا مطفيين وتعبانين مش وقت وإحنا ظاهرين وكويسين بس
عاوزين حد يستحملنا بس🙂🤝🏻

عن عشموذيع-Ashmozea