الرئيسية / بالعامية / الألم بداية الإنطلاق

الألم بداية الإنطلاق

كتبت / اسراء الكيال

الألم هو شعور داخلي عباره عن أحاسيس مختلطة من اليأس والتحطم والخذلان والفشل شعور من علاقه قديمه إنتهت ، أو صديق بعد عنك فقدان حد من الأهل ، الفقد بأنواعه وأشكاله المختلفه .

من كتر ما الأنسان بيحس بالألم والشعور دا بيزيد جوا بيبقي قدامه حلين ؛ الأول يا يبعد فتره يهدا ويرجع بقوه ويبدأ من جديد ؛ يايرجع ويفضل ف دايره بيلف فيها مش هتنتهي مهما حاول أنه يخرج منها .

فالبدايات الحقيقية هى اللي بتستمر وتثمر فى حياة الإنسان لتقوده لبدايات جديدة أعمق فى الحياة ؛ وزي ما احنا عارفين إن “تنبَع كل بداية جديدة من نهاية بداية أخرى” .

والإنسان اللي يقدر انه يقرر “بداية جديدة” لحياته وأهدافه أو يعدي طريق جديد بيرسُمه لنفسه هو بالفعل يملِك من القوة كتير ، وهو لو قادر على مصارحة نفسه بواقع بيعيشو ومش راضيه ؛ لو مدرك أن هناك احتياج حقيقي إلى التغيير والبداية الجديدة.

والمشكلة الحقيقة أن كتير منهم مش قادرين علي أنهم يواجهوا نفسهم ويعترفوا بأنهم أختاروا غلط من الأول، وأنهم لازم يغيروا الطريق ويتغيروا ؛ فكرة الاعتراف بالغلط وبصفة خاصة أمام النفس بتحتاج ل قوة وشجاعة .

واللي بيعدي ويختار “بداية جديدة” يقررها لحياته، بيمتلك قوة تحطم الخوف أو اليأس أو مشاعر حرمان من متع فى المستقبل ؛فإحدى عوائق التغيير فى حياة الإنسان، بانطلاقة نحو بداية إيجابية، بتكون في الخوف من الفشل .

لكل نهاية بداية لحياه آخري وقرارات تانيه ومستقبل تاني متزعلش ع اللي فات عشان لو كان نصيبك كان هيصيبك ، المستقبل قدامك بيندهلك دور علي حلمك خليك وراه اوعي تستلم ولا تيأس أتعلم من ال فات وأبدا من جديد .

عن عشموذيع-Ashmozea