الرئيسية / بالعامية / نفاذ الطاقة

نفاذ الطاقة

بقلم / اسراء مجدي

كل حاجة فى حياتنا محتاجة طاقة الشغل محتاج طاقة العياط محتاج طاقة ، الضحك محتاج طا ، كل حاجه بنعملها عباره عن طاقة جوانا طاقة فرح ف بنضحك طاقة حزن ف بنعيط ، طاقة تعب ف بنام .

حتى الحب طاقة و يمكن دا أكتر حاجة محتاجة طاقة .. “طاقة صبر، طاقة حنان، طاقة عتاب، طاقة تحمل” …كلها طاقة جوانا بتبدأ من أول دقه و من أول كلمه.

طاقة الحب هى اللى بتدينا القوة فى لحظة النهاية إننا نمشى و نبعد ، فى مرحلة معينة بنوصلها طاقتنا دى بتبقى خلصت مفيش طاقة للعتاب مفيش طاقة للمناقشة مفيش طاقة نسمع مفيش طاقة نتكلم.

بلاش تفضل طول الوقت تستنفذ طاقة اللى قدامك من غير ما تملاها يعنى زى مبتاخد إهتمام و حب و عتاب ، أتعود تدى قصادهم مش شرط بنفس القدر أو بنفس الطريقه لكن مينفعش تفضل تاخد تاخد تاخد و متديش حاجه فى المقابل.

أغلب العلاقات الى بتفشل الفتره دى بيبقى سببها أن أى طرف من الأتنين وصل لمرحله نفاذ الطاقه مش قادر يناقش مش قادر يعتاب مش قادر يستنى حتى مبيبقاش قادر ياخد حاجه من الطرف التانى بيبقى عنده أقتناع تام فى أخر لحظه إنه آدى كل حاجه عنده.

خلى بالك أنت بتاخد أيه و بتدي أيه بص حواليك كويس يمكن أنت بتستنفذ طاقة حد و أنت مش واخد بالك !!!!

عن عشموذيع-Ashmozea