الرئيسية / مرأة / المرأة والطفل / الصحة والجمال / فوائد خل التفاح للبشرة والشعر

فوائد خل التفاح للبشرة والشعر

كتبت / ألاء أشرف

خل التفاح هو عبَارة عن خل يتم تصنيعه من عصير التفاح الطبيعي، وله فوائد كثيرة جدًا بالإضافة إلى استخدامه فى المطبَخ للبشرة والشعر، فخلينا نعرَف ممكن نستفاد منه إزاي.

فوائد خل التفاح للبشرة :-

١- حل كويس جدًا للبقع الداكنة.

٢- بيشيل الجلد الميت، وممكن نتعامل معاه معاملة التونر، ونستخدِمه فى أننا نقفل بيه المسام الواسعة.

٣- بيعالِج حب الشباب، عن طريق خلط خل التفاح مع ٣ لـ ٤ معالق من المياه عشان نخففه ويتم وضعه على البشرة بقطنة لمدة دقائق ويتغسِل.

٤- بيقلِل حروق الشمس، بطريقة تخفيف الخَل والأفضَل يكون بارد ووضعه بطريقة مباشرة.

٥- معقِم، يعني ممكن نعقَم بيه الأدوات التجميلية الخاصة بينا علشان لو فيها فطريَات متضُرِش البشرة.

٦- مزيل للميك آب “بطريقة التخفيف”.

٧- بيشِد البشرة.

قبل استخدام خل التفَاح حتى لو بالطريقة المخففَة لازم نجرِب ولو جزء بسيط علشان نتأكد إذا كان فيه حساسية منه أو لأ.

فوائد خل التفاح للشعر :-

١- بيغذِي الشعر لأنه موجود فيه بوتاسيوم بنسَب كويسة، وده بيخليه يدي حيوية وقوَة للشعر.

٢- بيصلَح أي ضرر ممكن يحصل فى الشعر، زي استخدام شامبو معين فيه مواد كيماوية، أو تعرُض الشعر للشمس فترة طويلة، خل التفَاح بيصلَح ده وبيعيد النضَارة للشعر تاني.

٣- تنضيف الفروة، خل التفاح بينضَف فروة الراس من أي تراب أو خلايا ميتة أو رواسب.

عن عشموذيع-Ashmozea