لغة الجسد

كتبت / إسراء صلاح

دراستِك للغة الجسد هتوضحلك حاجات كتيرة، منها أن فى ناس حواليكِ كل كلامهم كذب، وناس لا يستحقوا وجودك فى حياتهم.

مينفعش تتعاملى بنقاء مع الكل أو مع أى حد، بمعنى أصح فيه فرص كتير قدامك اتعلميها، أقرأى عنها، تابعيها، كتب ومراجع ومقالات وأكيد هتفيدك وتجذب انتباهك، وخاصة لما تسمعى مواقف أو حركات جسدية مريتى وبتمرى بيها كتير مع الناس وده هيساعدك كتير فى قلة المعرفة بشئ معين.

وكمان اعرفى أن لغة الجسد مبتكونش دايما شئ أكيد لأن فيه ناس بيبقوا مقتنعين بكذبة معينة وبيكذبوها وبكل صدق لدرجة أنك ممكن تصدقها فعلا، ولكن تأكدى إذا كانت حركات متابعة تدل على الكذب، أو الخداع، أو التوتر، أو الملل من الحديث، الإنطواء أو الإجتماعية، بس دا كله عايز دراسة وممارسة وأكيد لما تتعبى على نفسك مش هيكون على الفاضى وهتقدرى تعرفى كويس إزاى تتعاملى أو توقفى تعامل مع أشخاص محددة.

عن عشموذيع-Ashmozea