الوقت

كتبت/ إيمان أمين

دايمًا من واحنا صغيرين بنسمع عبارات كتير فيها كلمة الوقت وأهمية الوقت وإزاي نحافظ ع الوقت والمقولة الشهيرة ” الوقت كالسيف إن لما تقطعه قطعك”.

بشوف إننا بقينا نتعامل مع الوقت بشكل سطحي اللي هو بنعتبر الوقت عبارة عن مواعيد ونظام فقط لا غير بس سؤالي هنا بقى هل فعلًا الوقت مجرد شئ سطحي اوي كده ؟

إجابتي أنا لا، لأن الوقت بعتبره صاحب ليا مش مجرد مواعيد ونظام شخص ف حياتي من غيره مش هقدر أقف وأقاوم وأكمل .. الإنسان لما بيدخل ف علاقة جديدة سواء حب، إرتباط، جواز، خطوبة بيحتاج وقت عشان مكانة الإنسان ده تتغير عنده وتزيد الوقت قادر يحول الشخص العادي في حياتنا لإهم شخص في يومنا واليوم ميمشيش من غيره.

الوقت قادر يداوي وجعنا ويوقفنا على رجلنا تاني اقرب دليل على كدة علاقات الحب لما بتنتهي وقتها بنبقى حاسين إن الدنيا وقفت ومش قادرين نكمل وصعب نكمل يوم والتاني والتالت والوقت بيبدأ دوره هنا وهو إنه يداوي وجعك ويوقفك على رجلك تاني ويسحب وجعك بهدوء كأن حد بيخيط جروح قلبك.. في مقولة بتتقال جميلة جدا بتقول” هب لقلبك وقتًا للتغلب ع الانكسار”.

الوقت قادر يداويك ويداوي وجعك بس بردوا قادر يهدك في ثانيه لو قررت إن أنت اللي تسحب الوقت وتجري بيه لمجرد إنك متحسش إنك وقعت فتسلخ نفسك في الدنيا ومشاغلها وفعليًا بتقف ع رجلك تاني وفي أقل وقت بس أنت وقفت بس لسه نفسيتك مش قابله إنها تقاوم دلوقت ومحتاجة وقت يداوي الأثر اللي متساب جواها وتبقا أنت بتحارب نفسك بتشد ف نفسك والوقت بيشدك فتقع تاني ! وتقع ويبقا جواك كمية كركبة نفسية ودوشة غريبة مش لاقي مصدر ليها لأن كل حاجه ماشيه كويس بس أنت مش قادر تكون كويس ومش لأقي سبب للأنت فية ويبتدي الوقت يهدك بالبطئ عشان انت بقيت تسحب ف الوقت مسبتش الوقت يداويك واحدة احدة .

الوقت كفيل إنه يغير حياة الإنسان من اسوأ حاجة لأحسن حاجة .
فَهرجع وأقول إزاي بعد كل ده بنتعامل مع الوقت إنه شئ سطحي عباره عن مواعيد ونظام بس ؟:”)

#مقالات_انوش
#Eman_Ameen

عن عشموذيع-Ashmozea