كتبت /أسماء حماد

جميل أوى تريند إن إنت لازم تكون بتكره الكلية والمذاكرة وبتكره الدكاترة وبتكره زمايلك ومش بتحب تروح المحاضرات وبتنزل تفطر وترجع البيت والكلام ده كله، بس أحب أفكركم وأفكر نفسى قبلكم إن العلم عبادة وإن نيتك لازم تتجدد كل فترة وتفتكر إنت ليه بتعمل كل ده.

بلاش نمشى ورا التريند وخلاص لإن الناس اللى بتحب دراستها وبتحب اللى بتعمله بقت بتخاف تقول ده علشان السف والتريقة وكأنها حاجة غريبة .

قال رسول الله صلّى الله عليه وسلّم : (منْ سَلَكَ طَريقًا يَبْتَغِي فِيهِ علْمًا سهَّل اللَّه لَه طَريقًا إِلَى الجنةِ، وَإنَّ الملائِكَةَ لَتَضَعُ أجْنِحَتَهَا لِطالب الْعِلْمِ رِضًا بِما يَصْنَعُ، وَإنَّ الْعالِم لَيَسْتَغْفِرُ لَهُ منْ في السَّمَواتِ ومنْ فِي الأرْضِ حتَّى الحِيتانُ في الماءِ، وفَضْلُ الْعَالِم عَلَى الْعابِدِ كَفَضْلِ الْقَمر عَلى سَائِرِ الْكَوَاكِبِ، وإنَّ الْعُلَماءَ وَرَثَةُ الأنْبِياءِ وإنَّ الأنْبِياءَ لَمْ يُورِّثُوا دِينَارًا وَلا دِرْهَمًا وإنَّما ورَّثُوا الْعِلْمَ، فَمنْ أَخَذَهُ أَخَذَ بِحظٍّ وَافِرٍ).

فيه ناس بتتمنى تتعلم وبتتمنى يتاح ليها الفرصة إنها تدرس وتروح مدرسة أو جامعة وتعيش اللى حضرتك مش طايق تعمله كل يوم ، قدرُوا النعم واتعلموا بشغف وحب ، ربنا يوفق كل الطلاب.

عن عشموذيع-Ashmozea