الرئيسية / مقالات / خواطر / لقطه ونوقف الزمن

لقطه ونوقف الزمن

كتبت / اسراء الكيال

مين فينا موقفش الزمن أو اللقطه أو المشهد اللي بيحبه لثواني معدوده وفضلت في خياله ومعاه سنين طويلة.

مين لما بترجع بذاكرتك لما بتشوفها تفتكر وبيبقي عندك حنين شديد للماضي وأد أيه كنت أسعد وأصغر و أحسن من حالك الحالي .

قصدي هنا الصورة ؛ الصورة بنتصورها في خلال ثواني معدوده بكل أحاسيسها وعواطفها ومع كل مره بتشوفها بتفتكر كل لحظه وكل كلمة كانت إيه ، كلنا وقفنا الزمن كتير و لسه هنوقفه أكتر عشان نصنع عالم كبير من الذكريات سواء كانت لينا أو للناس اللي بنعملها معاهم .

بتشوف بعدها أد أيه علاقتك كانت بالناس دي قويه وضعفت أو ضعيفه وقويت ؛ الناس مراحل في حياتنا في منهم بيخشو عشان خاطر تفرح قلبك وبهجه لحياتك وبيشمو وبيجي غيرهم كتير عشان هي دي الحياهةودي حياتنا كلنا دواير وحلقات في حياة بعض مينفعش حلقة تنقص أو حلقهةتزيد عشان الدواير تكون كاملة.

وبعد كده بتكون فهمت وشخصيتك نضجت وبقت أقوي بكتير من قبل وبتفهم إن كل اللي حصل كان لازم يحصل عشان تتعلم وتستفاد .

عن عشموذيع-Ashmozea