طفولتي

كتبت / منة الله محمد

مرحلة الطفولة هي أحلي مرحله في حياة الإنسان، مرحلة مليانه بهجة وسعادة، مرحله مفيهاش دوشه وزعل بتبقى برئ مش فاهم حاجة وعايش الدنيا كده بفرحة وسعاده وعايشها ببساطة.

الطفولة دي كنا بنستغل كل دقيقه فيها ف اللعب والجري وعايشين كل تفاصيلها بسعادة.

كانت طفولة فعلاً تسعد غير طفولة دلوقتي يعني كنا بنلعب ف الشارع ولاد وبنات بنلعب ألعاب جميلة كهربا واستغمايه
وكنا بنجيب ألعاب زي القطر والعرايس و البلي والنحلة وبنك الحظ مكنش فيه تكنولوجيا زي دلوقتي والألعاب دي كانت أحلي من التكنولوجيا بكتير ع الأقل فرحنا بطفولتنا وأستمتعنا بيها فعلاً..كانت طفولتنا بنعيشها لحد ٢ إعدادي كده كلها سعادة.

دماغنا كانت فاضيه كلها لعب وبس الابتسامة مكانتش بتفارق وشوشنا من الفرحة.

هي فعلاً أجمل مرحلة بتعدي في حياة الإنسان ومش بتتنسي أبداً من جمالها لدرجة إننا بنتمني دلوقتي إننا نعيش يوم واحد بس من أيامها.

مهما الإنسان عاش في أي مرحله عُمريه حتى لو كانت حلوه وحصلت فيها حاجات كتير حلوه، هتفضل مرحلة الطفولة هي أجمل مرحلة بالنسبه ضله بكل أيامها ومعانيها ولعبها وذكرياتها وهبلها وجنانها…

عن عشموذيع-Ashmozea