الرئيسية / بالعامية / صديق الطفولة

صديق الطفولة

كتبت / شيماء أيمن المنياوى

أكتر شخص بنحس معاة بالأمان .
مهما عدت السنين ومهما عرفنا ناس جديدة بيفضل ليه مكانة خاصة مافيش حد بيعرف يوصلها.

مخزن الأسرار يعنى أكتر حد عارف عنك كل تفاصيلك وأخبارك.

مهما كبرت بتفضلوا دايما تسترجعوا ذكريات الطفولة مع بعض.

أكتر شخص بتحس معاه إنك تافه ومستعد تعمل أى حاجة تبسطك من غير ماتفكر فى شكلك.

بتحاولوا تعملوا أى حاجة تفكركم بطفولتلكم .
دايما الضحك معاة بيكون من القلب .

أكتر حد يبحسنلك مودك وبيخرجك من حزنك .
مهما الأيام بتعدى بتفضل فى ذكرى حلوة بينكم .
بيبقى فى دفا وحب فى العلاقة .
مهما بعدتم عن بعض وعرفتوا ناس جديدة برضو بترجعوا تانى .

ساعات كتير الجامعة ومجموع الثانوية العامة بيفرق مابين أصحاب كتير .

ناس كانت آخر حاجة تيجى فى بالهم إنهم يتفرقوا .
ناس كتير مفكرة أن مواقع التواصل الإجتماعى بتقرب المسافات وبتقلل الغربة بين الصحاب……..

بس للأسف لا هى ممكن نكون وسيلة للسؤال عنهم بس بتخلى فى جفا فى العلاقة مابتعرفشى إلى قدامك دة اية حالتة .

الصديق دة اللي مش بتشوفة غير كل فين وفين .
بس لما بتشوفة الفرحة مش بتبقى سايعاك .
الصديق إلى الضحكة من القلب بتطلع معاة بس .
حافظوا ع أى حد كويس موجود فى حياتك .
لو شايف أن حد بيحبك خليك جمبة .
أكتر حاجة بتبين الاصدقاء هى المواقف .
الصداقة مواقف مش بس كلام .
والحب فعل .
حافظوا ع أصحابكم ولو حصل مشكلة لوموهم عاتبوهم بس ماتبعدوش .
البعد فى العلاقات بيعلم الجفا مش بس بين إلى بيحبوا بعض لا والأصدقاء كمان.
الصديق قادر إنة يحلى يومك ويشيل عنك همومك مهما كانت .
لازم كل واحد يكون فى حياتة صديق مميز .
صدقت مقولة” الصديق قبل الطريق “.
لإن فعلا الصاحب ساحب ………

عن عشموذيع-Ashmozea