الخذلان

كتبت/إيمان أمين
مين فينا متخدلش وإتوجع من أقرب الناس ليِ إحساس صعب أوي انك تبقا واثق ف حد ثقه كبيره جدًا وبين يوم وليله تلاقي ثقتك جابتك الأرض نزلتك ع جدور رقبتك ! إحساس بشع ويمكن وصف الكلمه قليل عليه… إحساس إنك تتخذل من أعز الناس عندك زي اللي جاب جردل مياه ساقعه ف عز الشتا وبدون أي مقدمات ودلقه عليك فجأه ! صدمتنا وقتها يا بتخلينا ساكتين وواقفين مكانا يا بنقول كلام كتير أوي بنطلع في وجعنا بس الأكيد إن مهما منقول فَمفيش كلام هيوصف وجعنا وإحساس الكسره اللي حسينه ! إحساس الخذلان بيخلينا تايهين اللي هو طب أنا عملت أيه عشان يتعمل فيا كده ! طب أنا مكنتش كفايه ! طب أنا قصرت ف حاجه ! هل أنا وحش لدرجة إن يحصلي كده ! ويبقا ف نفس الوقت من صدمتنا بنقول طب إحنا عملنا كتير وقدمنا كتير ليه ده يحصل ! ونفضل نلف ف دايرة التفكير اللي مبتخلصش :”لحد ما نبتدي نفوق من وجعنا ونقف ع رجلينا تاني …و عشان بعض الناس هتشوف ان الخذلان بيجي من الحب بس وإن مضمون المقال عن خذلان الحبيب لحبيبته أو العكس … فَالا الخذلان مش بيجي من الحب بس أه ده أصعبهم وجع بس أنا مش بكلم في النقطه دي بس .. إن حد يكدب عليك وأنت واثق إنه عمره ما هيكدب عليك ده خذلان .. إن الأقي صديقه ليا بتكلم عليا في ضهري ده خذلان .. الخذلان ممكن يجي من الأهل والصحاب والقرايب… لما أبقي بقدم للشخص اللي قدامي كل حاجه والأقي مفيش تقدير ده خذلان .. رد الفعل غير المتوقع ده خذلان..إنك تقع وتلاقي أقرب الناس ليك ممدتش إيدها تساعدك ده خذلان !إنك تبقى بتجري لحد ما يتقطع نفسك عشان ترضي الشخص اللي قدامك ومتلاقيش شكر حتي ده خذلان..انك تبقى واثق من نظره شخص ليك وفجأه تكتشف إن نظرته ليك غير كده خالص ده خذلان ..الموضوع مرهق جدًا بجماعه إحساس إنك بتحارب الكل عشان شخص ف الاخر تكتشف إن اللي بتحارب عشانه بيحاربك أنت اول واحد !! إحساس إن الشخص اللي قضيت وقت بساعده يقف علي رجليه يكون أول شخص بيخذلك إحساس بشع ! متخذلوش بعض عشان كسر الخواطر ووجعنا عند ربنا مش بالساهل
أنت مش قد انك تدخل ف علاقه وتكون راجل وتكمل للاخر متدخلش فيها ..انتِ مش قد إنك تشيلي سر صحبتك وتكوني غطي ليها متسمعيش سرها …
إنما هنفضل نوجع في بعض ونخذل ف بعض ليه ! دايمًا بقول الوجع يقوي ميضعفش والضلع اللي يتكسر يقوي بس كتر الوجع بيهد ! كتر الوجع بيسحب الروح ببطئ … كلنا إتوجعنا من ناس كتير وبنقع وبنرجع نقف علي رجلينا تاني وبنتعلم ف كل وقعه حاجه .. بس كل وقعه بتسحب من روحنا وطاقتنا قد أيه عشان نرجع زي الأول ! ليه تخلوا شخص ف حياتكوا مبيعملش حاجه غير إنه عامل زي المرض بيسحب مننا جهد وطاقه وروح وف كل مره بتلاقي خذلان المرض ده ظهر عليك وبياكل ف روحك !! وهرجع أقول مهما اتخذلنا متفقدوش الثقه ف الناس كلها عشان لسه في ناس كويسه وفيها خير وأكبر دليل إن هيفضل ف ناس فيها خير في الدنيا مهما حصل حديث الرسول صلي الله عليه وسلم”الخير في وفي امتي الي يوم القيامه”
المهم نتعلم ونعرف مين اللي يفضل ف حياتنا ومين اللي لا كفايه لحد كده مينفعش يفضل ونقدر ناخد قرار البعد …
ربنا يداوي وجعنا ويراضينا ويرضي عننا 🌸
ايمان امين

كتبت/إيمان أمين مين فينا متخدلش وإتوجع من أقرب الناس ليِ إحساس صعب أوي انك تبقا واثق ف حد ثقه كبيره جدًا وبين يوم وليله تلاقي ثقتك جابتك الأرض نزلتك ع جدور رقبتك ! إحساس بشع ويمكن وصف الكلمه قليل عليه... إحساس إنك تتخذل من أعز الناس عندك زي اللي جاب جردل مياه ساقعه ف عز الشتا وبدون أي مقدمات ودلقه عليك فجأه ! صدمتنا وقتها يا بتخلينا ساكتين وواقفين مكانا يا بنقول كلام كتير أوي بنطلع في وجعنا بس الأكيد إن مهما منقول فَمفيش كلام هيوصف وجعنا وإحساس الكسره اللي حسينه ! إحساس الخذلان بيخلينا تايهين اللي هو طب أنا…

عناصر المراجعه :

تقييم المستخدمون: 4.8 ( 1 أصوات)

عن wafaa mahmoud