الرئيسية / مرأة / كلام بنات / “يارب تنجح يا تتح “.

“يارب تنجح يا تتح “.

بقلم: نورهان جمال رمضان

فى ظل جو ديسمبر البارد والكثير من الكسل والإحباط المسيطر واستنفاذ طاقتنا لأنه آخر العام، إلا أننا يجب علينا أن نستمر بالقوة التى بدأنا بها.

شهر ديسمبر معروف بشهر الامتحانات وآخر شهر فى السنة، نلحق نخلص أهدافنا اللى حطينها لنفسنا بس فيه كسل ونوم وإحباط والإحساس بالفشل “كلنا كده وبيعدي علينا الوقت دا ومش غلط بس الغلط أننا نستمر فى دا ونتخلي عن كل أهدافنا”.
نعمل إيه؟ ونبتدي إزاي؟ ونسترجع طاقتنا إزاي؟ بحاجات بسيطة جدا هتغير مودنا للأحسن ونذاكر ونخطط تاني ونحقق ونستوعب أكتر فى وقت قليل.

١- نقرب من ربنا ونعمل وِرد نقرأه يوميا ونواظب على الصلاة ونستغفر كثيرا ونرضي الوالدين ودعواتهم معانا.

٢-نعمل جدول وننظم فيه الوقت وعدد الساعات المتاحة وكل يوم هنذاكر إيه ونحقق إيه ونعلقه فى مكان ظاهر دايما يكون قدامنا.

٣-تكوني محددة هدف من المذاكرة أو اللى هتدرسيه وهو التفوق والنجاح.

٤-“أنتِ مدرسه نفسك”، ذاكري لنفسك وفهميها وشجعي نفسك على المذاكرة، ولما تحلي حاجة صح كافئيها بحاجة بتحبها، حطي طرق مذاكرة جديدة، اختبري نفسك فى امتحانات وبعد ما تخلصي أعملي أسئلة بأجوبتها كملخص ليكِ، لخصي المواد الصعبة وجزئيها ونبتدي بالسهل والجزء اللى بنحبه هيخلينا نذاكر أكتر، ذاكروا لحد مش فاهم أو اشرحوا له هتلاقوا المعلومة ثبتت عندكم أكتر.

٥-“الألوان” و “البرفانات”، استخدموا الألوان هتحددوا بيها العناصر والعنواين الرئيسية، وهتساعدك فى الاهتمام بالمذاكرة وهاتوا نوت بوك جديدة شكلها عاجبكم.
البرفانات واللى بتعمله البرفانات.. حطي فى غرفتك أي برفان بتحبيه جدا وهتلاقي نفسك حبيتي المادة وحبيتي المذاكرة وخلصتي اللى وراكِ.

٦-“الحفظ وأنتِ نايمة”، أقرأي الجزء اللى عايزة تحفظيه قبل ما تنامي كذا مرة “قراءة فقط”ونامي، هتصحي الصبح فاكرة نقط كتير منه من غير تعب فى الحفظ.

٧-“الموبايل فيه سُم قاتِل”، حقيقة الموبايل بيسحب وقت وإحنا مش حاسين”البريك بدل ما بيكون ٥ دقايق بقي ساعتين”، نقفل الموبيل وإحنا داخلين على المذاكرة كده وهناخد” بريك ” بس نعمل حاجة نشربها أو أي شئ تاني.

٨-لازم لازم نفصل نفسنا، نفصل أي شئ عن مذاكرتنا وصفي ذهنك من أي مشاكل سواء عاطفية أو أسرية وغيره، محدش هينفعك لما تفشلي واللوم تجبيه على نفسك.

٩-“خطر الامتحان”، النوم لا يقل عن ٨ ساعات، بلاش المواظبة لحد الامتحان من غير نوم التركيز هيقل وحاجات هتتنسي، نصلي ونفطر ونروق بالنا ونراجع ونستعين بالله وواثقين أننا هننجح.

١٠-لازم تقتنعي أنك ناجحة وهتنجحي والفشل يتشال من التفكير والدماغ علشان الإحساس بالفشل هو أول مراحل الفشل بجد، ركزي على النجاح تخيلي الفرحة بعد كل لحظة تعب، لازم تحسي بالتحدي تجاه نفسك وتنتصري عليها.
” طريق النجاح صعب والوصول إليه يحتاج لكثير من التعب ونفسك تستحق ذلك النجاح “.

بقلم: نورهان جمال رمضان فى ظل جو ديسمبر البارد والكثير من الكسل والإحباط المسيطر واستنفاذ طاقتنا لأنه آخر العام، إلا أننا يجب علينا أن نستمر بالقوة التى بدأنا بها. شهر ديسمبر معروف بشهر الامتحانات وآخر شهر فى السنة، نلحق نخلص أهدافنا اللى حطينها لنفسنا بس فيه كسل ونوم وإحباط والإحساس بالفشل "كلنا كده وبيعدي علينا الوقت دا ومش غلط بس الغلط أننا نستمر فى دا ونتخلي عن كل أهدافنا". نعمل إيه؟ ونبتدي إزاي؟ ونسترجع طاقتنا إزاي؟ بحاجات بسيطة جدا هتغير مودنا للأحسن ونذاكر ونخطط تاني ونحقق ونستوعب أكتر فى وقت قليل. ١- نقرب من ربنا ونعمل وِرد نقرأه يوميا ونواظب…

عناصر المراجعه :

تقييم المستخدمون: كن أول المصوتين !

عن Ahmed Hadooka