الرئيسية / مرأة / كلام بنات / “مع دخول الإمتحانات … كيف نرتب وقتنا”

“مع دخول الإمتحانات … كيف نرتب وقتنا”

كتبت / ألاء أشرف

ترتيب الوقت يزيد من فرصتك للنجاح، لأن كل ما بتعرفي تنظمي وقتِك كل ما بتعرفي تنجزي مهام أكتر فى وقت أقل.

إزاي نرتب وقتنا؟!
١- تخطيط يومي :
فى بداية كل يوم أو قبلها بليل لازم نكون محددين اليوم هيمشي إزاي من أول ماتصحي لحد ما تنامي، والتخطيط يكون كتابة.

٢-التحديد الزمني :
بلاش نتمادي فى موضوع تقدير الوقت ده ونكتب التخطيط بالثانية والدقيقة، لأنه مستحيل ينجَح فلما نحدد الوقت يكون بالعقل.

٣- التحكُم فى النفس :
النفس دايمًا أمارة بالسوء، علشان كده مش لازم نسمع ليها فى كل حاجة، ولما تحسي بالتكاسل وتضييع الوقت تسيطري على نفسِك.

٤- المكافأة والعقاب :
بعد ما نتحكِم فى نفسنا لازم كمان لو مشينا على الخطة ونفذنا المهام زي ما كتبنا، نكافئ نفسنا ولو حصل تكاسل لازم عقاب علشان منكررهاش، مع مراعاة عدم التساهل مع النفس.

٥- تحديد الأولويات :
من المهم وإحنا بنكتب أهدافنا نحدد إيه اللي المفروض ننفذه الأول وإيه اللي ممكن يتأجِل، لأنه ببساطة ممكن نضيع وَقت فى حاجات مش وقتها.

٦- الساعة:
لازم نلبس ساعة طول الوقت أو حتي يكون فى ساعة حائط قدامنا، علشان نركِز فى الوقت ونعرف قيمته.

٧- التركيز :
نحدد إيه أكتر حاجة بتضيَع تركيزنا ونتجنبها زي الفون طبعًا، ونركز على المأكولات والمشروبات اللي بتساعدنا فى التركيز.

٨- الإستراحة :
الأفضل تكون الإستراحة تمارين بسيطة أو إسترخاء ونبعِد عن الفون والتلفزيون، والإستراحة تكون ما بين عشر دقايق وربع ساعة كل ساعتين مثلًا.

وآخر حاجة… الوقت من الحاجات اللي الندم فيه مش هيفيد، اليوم اللي بيضيع منك مبيرجَعش، وإفتكري مافيش حد ناجح بيضيع وقته.

كتبت / ألاء أشرف ترتيب الوقت يزيد من فرصتك للنجاح، لأن كل ما بتعرفي تنظمي وقتِك كل ما بتعرفي تنجزي مهام أكتر فى وقت أقل. إزاي نرتب وقتنا؟! ١- تخطيط يومي : فى بداية كل يوم أو قبلها بليل لازم نكون محددين اليوم هيمشي إزاي من أول ماتصحي لحد ما تنامي، والتخطيط يكون كتابة. ٢-التحديد الزمني : بلاش نتمادي فى موضوع تقدير الوقت ده ونكتب التخطيط بالثانية والدقيقة، لأنه مستحيل ينجَح فلما نحدد الوقت يكون بالعقل. ٣- التحكُم فى النفس : النفس دايمًا أمارة بالسوء، علشان كده مش لازم نسمع ليها فى كل حاجة، ولما تحسي بالتكاسل وتضييع الوقت تسيطري…

عناصر المراجعه :

تقييم المستخدمون: كن أول المصوتين !

عن Ahmed Hadooka