الرئيسية / مقالات / “معرض الكتاب 2020 والوجوه الشابة الجديدة”

“معرض الكتاب 2020 والوجوه الشابة الجديدة”

“بقلم سلمي تغيان”

-معرض الكتاب 2020 جاء محملًا بوجوة شابة طموحة جديدة منهم من قدم عمل هادف ومنهم من كان عبارة عن نقش كُتِب.

ندا كامل تلك الفتاة العشرينية الطموحة التي أصدرت كتابها الأول بعنوان الست عزيزة وجاء الحوار معها كالآتي:

-متي كانت بدايتك في مجال الكتابة؟
=كتابة بشكل احترافي يليق بكتابة الروايات كان من ٣ سنين.

-هل دخولك في مجال الكتابة كان عبارة عن موهبة تكمن داخلك أم حبًا لهذا المجال فقط؟
=موهبة حتي الآن .. و حب المجال لسة فيه كلام تاني .. لكن السبب الوحيد حتي الآن هو حب الكتابة كموهبة و اني عايزة اوصل م خلالها رسايل معينة.

-من كان سببًا في إكتشاف تلك الموهبة داخلك؟
=انا اللي اكتشفتها ف أوقات الاكتئاب فحبيت أعبر عنه و لاقيته بيعجب اهلي و اصحابي و الناس.

-من قدوتك في هذا المجال؟
=احمد خالد توفيق الله يرحمه.

-ما هو رأيك في المعرض هذا العام بما أنك قمت بالمشاركة فيه؟
=عجبني جدا و كان منظم بشكل كبير يعني .. بس في بعض المشهورين ع الفيسبوك أو بيعملوا فيديوهات يقول بيعملوا كتب ! استناداً للمتابعين اللي هيشتروا كتبهم كنوع م الفضول بس .. مش عشان كتاباتهم هتوصل حاجة !
و ده بيسطح الغرض الاساسي م القراءة عموما.

-من بالفعل أصدر عمل في المعرض ومن وجهة نظرك أنه بالفعل يستحق النشر وقدم عمل هادف ممتاز؟
=الشقيري طبعا .. و محمد ابراهيم و اسلام شاهين و رفعت ابو النصر و ندا كامل.

-الست عزيزة ليه الإسم ده وليه المحتوي أيضًا؟
=لأن الست عزيزة اسمها هو جزء م صفتها اللي هتكون محور الرواية و هي عزتها بنفسها.

-هل الروايه تدور حول المرأة وعزة النفس والكرامة فقط أم يوجد أجزاء أخرى؟
=في أجزاء تانية و هي أن التسامح سهل مش صعب بس احنا كبشر بنختار الطرق الصعبة و الألم عشان القصة يكون فيها إثارة مع اننا لو سامحنا هنعيش مرتاحين و مع الناس اللي بنحبها و ان لو كل حد حط نفسه مكان اللي غلط فيه و حط نفسه ف الظروف اللي خلته يغلط هيسامحه.

-ناويه علي أعمال ثانيه قريباً؟
=اها السنة الجاية بإذن الله.

-مشابهه للست عزيزة أم تختلف القصة؟
=تختلف خالص هتكون بتتكلم عن المشاكل النفسية.

-نصيحتك ايه لأي حد بيفكر إنو يصدر له عمل؟
=أنه يتأكد مرة و اتنين و تلاتة أن عمله يليق بعقل القراء فعلا ، و يلجأ للكتاب القدام أنهم ينقدوا عمله كتير عشان يتعلم منهم و يصحح أخطاءه و أنه مايتأثرش سلباً برأيهم .. لا لازم يحاول يصحح الغلط عشان عمله يبقي أقوي .. و يبدأ يفكر ينشر عمله لما يكون مؤمن بنسبة كبيرة أن عمله ده موصل رسالة مهمة و كتابته تليق بالناس اللي هتدفع جنيه من جيبها عشان تقرأ له.

هذا ما تضمنه الحوار مع ندا كامل داعين الله أن يوفقها لما هو خير.
سلمي تغيان

"بقلم سلمي تغيان" -معرض الكتاب 2020 جاء محملًا بوجوة شابة طموحة جديدة منهم من قدم عمل هادف ومنهم من كان عبارة عن نقش كُتِب. ندا كامل تلك الفتاة العشرينية الطموحة التي أصدرت كتابها الأول بعنوان الست عزيزة وجاء الحوار معها كالآتي: -متي كانت بدايتك في مجال الكتابة؟ =كتابة بشكل احترافي يليق بكتابة الروايات كان من ٣ سنين. -هل دخولك في مجال الكتابة كان عبارة عن موهبة تكمن داخلك أم حبًا لهذا المجال فقط؟ =موهبة حتي الآن .. و حب المجال لسة فيه كلام تاني .. لكن السبب الوحيد حتي الآن هو حب الكتابة كموهبة و اني عايزة اوصل م خلالها…

عناصر المراجعه :

تقييم المستخدمون: 2.71 ( 4 أصوات)

عن Ahmed Hadooka