الرئيسية / مرأة / كلام بنات / “لخطوبة سعيدة .. إليكِ بعض النصائح”

“لخطوبة سعيدة .. إليكِ بعض النصائح”

كتبت / ألاء أشرف

بنسمَع دايمًا من الجدة أو الأم أن فترة الخطوبة من أحلي الفترات فى حياتنا، ولكِن لما بنسمع من صديقاتنا أو المخطوبين حوالينا بنلاقي العكس تمامًا، يا تري المشكلة منين؟

إليكِ بعض النصائح لخطوبة سعيدة :

١- بسبب عدم معرفتك لأهل خطيبك بشكل كافِ، بيحصل سوء تفاهم ومشاكل كتير بينكم لحد ما تدرسوا شخصيات بعض، وعلشان كده لازم تتجنبي الإحتكاك المستمر.

٢- طلبات الأهل بتبقي صعبة وخطيبك فى فترة الخطوبة بيكون مضغوط جدًا، علشان كده لازم تتجنبي عصبيته فى بعض الأحيان مع تحمل بعض المواقف.

٣- أنتِ كبنت تفكيرك غير تفكير الراجل، يعني خطيبك مستحيل يفتكِر أول مرة شربتوا فيها مياه سوا مثلًا، مع نسيان بعض التواريخ المهمة، وده شئ طبيعي لا يدعو للمشاكل.

٤- للأسف اتعرف عن البنت أنها نكدية والموضوع تحول من مصدر سخرية لواقع، والبنت بقِت بتقف على الواحدة لخطيبها، ومفيش راجل طبيعي هيتحمِل ده، خليكِ عاقلة والإختلاف فى الحاجات دي ميزة تتحسبلِك.

٥- تجنبوا المحرمات، ربنا مش هيبارك فى علاقة فيها حاجة غلط، علشان كده لازم نصبُر وهنؤجَر على صبرنا.

٦- لازم تكوني إنسانة متفهمة، متفهمة أنه طبيعي يكون فيه مشاكل، متفهمة أنه مش المفروض يكلمك ٢٤ ساعة، متفهمة لمساحته الشخصية.

٧- حياتك فين؟ مش معني أنك مخطوبة أنك تركزي كل التركيز على خطيبك وتنسي نفسك وحياتك، زي ما هو بينزل يقعد مع صحابه، أنتِ كمان تخرجي وتشوفي الحياة وتشوفي شغلك وتهتمي بهواياتك، الحياة مش خطيبك بس.

٨- خطيبك مش بابا نويل، أغلب المشاكل بتبقي بسبب أنك بتشوفي هدايا ومفاجأت وبتبقي منتظراها، مع أنه ممكن خطيبك مستواه المادي يكون لا يسمح بده، ولو يسمَح فلو حصل المفروض يكون ذوقيًا منه مش بالخناق، علشان كده لازم تشتغلي وتحققي أحلامك بنفسِك.

٩- بلاش تحكي مشاكلك مع خطيبك لحد أبدًا، خلي المشاكل بينك وبينه هتتحَل أسرع وهتتنسي، لكِن لو فيه طرف آخر عرف بالموضوع مش هينساه أبدًا وهيبقي نقطة سوداء ليكِ أو لخطيبك.

١٠- متسمعيش نصايح سلبية من حد، خطيبك غير خطيبها غير خطيب بنت خالتك، فالأفضل لو حابة تسمعي نصايح تكون نصايح عامة من أهلك.

وأخيرًا لو خطيبك شخص مش مناسب من الأول متحاربيش وتضيعي وقتك.

كتبت / ألاء أشرف بنسمَع دايمًا من الجدة أو الأم أن فترة الخطوبة من أحلي الفترات فى حياتنا، ولكِن لما بنسمع من صديقاتنا أو المخطوبين حوالينا بنلاقي العكس تمامًا، يا تري المشكلة منين؟ إليكِ بعض النصائح لخطوبة سعيدة : ١- بسبب عدم معرفتك لأهل خطيبك بشكل كافِ، بيحصل سوء تفاهم ومشاكل كتير بينكم لحد ما تدرسوا شخصيات بعض، وعلشان كده لازم تتجنبي الإحتكاك المستمر. ٢- طلبات الأهل بتبقي صعبة وخطيبك فى فترة الخطوبة بيكون مضغوط جدًا، علشان كده لازم تتجنبي عصبيته فى بعض الأحيان مع تحمل بعض المواقف. ٣- أنتِ كبنت تفكيرك غير تفكير الراجل، يعني خطيبك مستحيل يفتكِر أول…

عناصر المراجعه :

تقييم المستخدمون: كن أول المصوتين !

عن Ahmed Hadooka