الرئيسية / مرأة / كلام بنات / “القرارات فن مش عن عن”

“القرارات فن مش عن عن”

كتبت: نورهان جمال.

كل شخص مننا لازم يكون عنده قرارات وعادات بيقوم بيها ويكون مهتم بتنفيذها ويتحدي نفسه لتحقيقها.

مع بداية كل سنة جديدة لازم كل شخص يقعد مع نفسه ويراجع نقاط ضعفه وقوته وإيه الصح والغلط ويتعدل، لازم نعمل plan سنوية أو شهرية على حسب شخصية كل فرد ونحقق لو 50% منها دا إنجاز فى حد ذاته، ويجب مكافئة نفسك عليه حتي لو كانت بسيطة “نفسك لها حق عليك”.

ولذلك جمعت بعض من القرارات والعادات اللى هتفرق معاكِ جدًا كبنت.

1-إوعي تقارني نفسك بحد لأن حلمك وهدفك غير حلم وهدف غيرك، الوسائل اللى متوفرة ليكِ جايز مش متوفرة لغيرك، اللى ربنا كاتبه ليكِ غير اللى ربنا كاتبه لغيرك، ولكنه عادل.

“طلب العلم فريضة على كل مسلم ومسلمة”، لو فشلنا عادي دي أول خطوة للنجاح، نقوم ونتعلم من أخطائنا ونحاول تاني “مش عيب أننا نغلط العيب أننا نستمر فى الغلط”.

2-حسني علاقتك بربك: مثلا تصلي كل فرض فى وقته وتعملي عقاب وثواب لنفسك، لو منتظمة على الصلاة صلي السنن والنوافل، لو مش بتعملي عادات دينية ابتدي وربنا هياخد بإيدك، مثلا صلي الفجر وبعدها اقرأي الورِد اليومي من القرآن واستغفري وادعي الاستغفار بيفتح أبواب كتير مقفولة “ونحن أقرب إليه من حبل الوريد”.

3-العبي رياضة واهتمي بنفسك ودلعيها دا حقها، انزلي الصبح بدري اتمشي يوميا، دا هيساعدك تخرجي الطاقة السلبية اللى جواكِ، ونشاطك يتجدد “العقل السليم فى الجسم السليم”.

4-رفهي عن نفسك مش كله ضغط وشغل و تاسكات، اعملي حاجة بتحبيها ترفيهية تفصلي بيها بعد تعب.

5-صاحبي الورقة والقلم اتعودي تكتبي يومياتك ومذكراتك وأحلي أيام حصلت لك، وكل المهام والأفكار والمواعيد، فضي دماغك على الورق.
احكي مع الورق” إنها أفضل رفيق” واقرأي كتب وثقفي نفسك هيساعدك فى حياتك.

6-فرحي كل يوم شخص غريب عنك أو من موقف بسيط مثلا فى الشارع، فرحي طفل صغير بحاجة بسيطة، قدمي لحد مساعدة من غير ما يطلبها لو ابتسامة صغيره دي صدقة “إنه الإحسان”.

7-اختاري الناس اللى حواليكِ صح، اللى يشجعوكِ ويقفوا جمبك ويكونوا سند وضهر ويكونوا رفقاء النجاح.

8-ابعدي عن صواغر الأمور أي حاجة تعصب أو تحزنك أو تشغل تفكيرك وتستهلك طاقتك ملهاش لازمة، افتكري أنك عديتي بأصعب من كده وهتعدي من اللى حصل وهيحصل “أنتِ قوية عزيزتي”.

9-فكري بهدوء كل ما تفكري فى حاجة مهمة بالنسبة لك اتفرجي على السماء ونجومها والبحر وجماله، واتعلمي يوجا معروف إنها بتريح الأعصاب وهتساعدك تتخلصي من الحزن والطاقة السلبية، تجاهلي الموبايل خليكِ فترة فى اليوم بعيدة عنه ومع نفسك وبس افتكري دائما نفسك ليها حق عليكِ.

10-اتعلمي تقولي ” لا ”
لما حد يعرض حاجة أنتِ مش عايزاها وتفكري هل أنتِ محتاجها؟ طب تستحق تاخد من وقتك وروحك وتفكيرك ونفسك؟

الخلاصة :
القرارات اللي بناخدها علشان نصنع أهداف جديدة مهمة.
بس الأهم منها القرارات الصغيرة اللي بناخدها فى الطريق علشان نوصل ونحقق الأهداف دي.
القرارات الصغيرة اللي بناخد منها عشرات يومياً هي دي اللي بتحدد مصيرنا مش بس القرارات الكبيرة اللي بناخدها شهريا أو سنويا.
القرارات دي هي اللي بتصنع يومك ويومك هو اللي بيحدد إنتاجيتك
وإنتاجيتك هي اللي هتوصلك لأهدافك.

ركزوا عشان كل قرار بيتاخد ويتحقق بيفرق!.

كتبت: نورهان جمال. كل شخص مننا لازم يكون عنده قرارات وعادات بيقوم بيها ويكون مهتم بتنفيذها ويتحدي نفسه لتحقيقها. مع بداية كل سنة جديدة لازم كل شخص يقعد مع نفسه ويراجع نقاط ضعفه وقوته وإيه الصح والغلط ويتعدل، لازم نعمل plan سنوية أو شهرية على حسب شخصية كل فرد ونحقق لو 50% منها دا إنجاز فى حد ذاته، ويجب مكافئة نفسك عليه حتي لو كانت بسيطة "نفسك لها حق عليك". ولذلك جمعت بعض من القرارات والعادات اللى هتفرق معاكِ جدًا كبنت. 1-إوعي تقارني نفسك بحد لأن حلمك وهدفك غير حلم وهدف غيرك، الوسائل اللى متوفرة ليكِ جايز مش متوفرة لغيرك،…

عناصر المراجعه :

تقييم المستخدمون: 4.12 ( 1 أصوات)

عن Ahmed Hadooka