فتة شاورما

الشيف/ صفية ابراهيم
الطريقة:
عبارة عن 4 خطوات
1- عيش شامي نقطعه مكعبات ونحمصه في الفرن مبفضلش قليه في الزيت
2- رز كبسة هنغسله كويس ونصفيه ونشوحه في زيت ومعلقة سمنة مع معلقة كاري ومعلقة كركم وملح وبعدها نزود عليه الماية او المرقة تغطيه ب2 سم ونسيبة لغاية ما يستوي
3- الصوص:
علبتين زبادي
معلقتين كبار تومية ممكن تبدلوها بفصين توم مبشورين
معلقتين كبار مايونيز
ومعلقتين طحينة ورشة ليمون ونخلط كويس
ممكن نزود او نقلل المكون حسب ما نحب
4-الشاورما:
صدور فراخ مقطعه شرايح نتبلها بزعتر وبابريكا وبودرة توم وملح وفلفل اسود وليمونة او التتبيلة اللي تحبوها
نشوحها في الزيت لغاية ما تاخد لون دهبي ونحط عليها بصلة كبيرة شرايح وفلفل الوان شرايح ونتبلها

نرصهم بالطريقة اللي تحبوها وبالهنا عليكم
كانت معكم/صفية ابراهيم
Intagram page: Safiya Ibraheem

عن Amal Nabil