الرئيسية / مرأة / كلام بنات / إزاي تستمتع بفترة البقاء فى البيت

إزاي تستمتع بفترة البقاء فى البيت

كتبت / ألاء أشرف

مع الظروف المحيطة وإنتشار الڤيروس، من الواجب أننا نلتزِم البيت، ولأن أغلبنا مش بيحب قاعدِة البيت هديكُم بعض النصائح اللي تخليكُم تستمتعوا بالوقت ده.

النصيحة الأولي “النظافة”:
١- نظافة المكان:
كُلنا عارفين أن الڤيروس محتاج نظافة وكلور، وعلشان البيت يكون مكان آمن لازم نطهر البيت بكلور ومطهر، وبعد ما البيت بقي أمان هنروح للمهام اللي طول عمرنا بنأجلها زي الدولاب اللي محتاج يترتِب، المكتب اللي محتاج يتنضَف ..الخ، المكان المترتِب بيعطي راحة نفسية وعلشان كده هنرتِب البيت ونستخدم معطر جو منعِش.

٢- النظافة الشخصية:
النظافة مش مقتصرِة علي أنك تاخدي شاور، نعمل بقي كورس نظافة كامل من ماسكات لمعالجة الوجه أو باديكير للإيد والرِجل “اليوتيوب كله وصفات”، مع بيچامة مريحة وبرفيوم ويلا بينا نستمتع.

النصيحة الثانية “إفصلي”:
تعرَفي تفصلي؟ هنفصِل بطريقتين، يا مشروب دافي وشكولاتة ورواية تعيشي جواها، يا فيلم بقصة لطيفة تخطفِك تشغليه على الشاشة وتقفلي النور وتعملي فشار وتسالي ومشروبك وعيشي جو السينما.

النصيحة الثالثة “الدراسة”:
دا توقيت مناسِب أنك تذاكري المتراكِم عليكِ وتصحي من بدري تذاكري فى جو هادي، بلاش تضيعي وقتِك لأنه مش هيتكرر تاني.

النصيحة الرابعة “الثقافة”:
لو خلصتي اللي وراكِ أو متخرجَة فدا توقيت مناسب تشوفي فيه كورسات على اليوتيوب أو تشوفي فيديوز تساعدِك أنك تطوري من شخصيتك، وممكن تتعلمي حاجة جديدة.

النصيحة الخامسة “جرب”:
جربوا حاجات جديدة تخرجكُم من الملل، ارسموا، غنوا، اكتبوا، اعملوا أكلة جديدة، جربوا مشروب غريب، التجربة هتكسَر حاجز الملل والروتين.

ونصيحتي الأخيرة، وجودك بالبيت بيساعدنا كلنا مش بيساعدِك لوحدك، بلاش تنزلوا.

عن Amal Nabil