الرئيسية / بالهنا والشفا / حمص الشام أو الحلبسه .

حمص الشام أو الحلبسه .

شيف / يمنى يسرى .

المقادير:-
ربع كيلو حمص الشام .
ميه .
ثمرتين طماطم كبار .
معلقة كمون .
معلقة كسبره ناشفه .
بصله متوسطة الحجم .
١٠ فصوص ثوم .
شطه ناعمه . إختيارى .
ليمون . إختيارى .

الطريقة:-
هننضف الحمص ونغسله كويس وننقعه من بالليل وبعدين نصفيه من مية النقع ونشطفه تانى ونحطه فى حله عالنار فيها ميه ونسيبه ياخد غلوه ويطلع الريم بتاعه نشيل الريم من عالوش ونحط البصله سليمه والطماطم متقشره ومبشوره والثوم مدقوق ناعم فى الهون مع الملح والكسبره والكمون والشطه كل ده هنحطه عالحمص ونسيبه يستوى على نار هاديه ومانغطيش الحله عشان مايفورش ولما يستوى الحمص نطفى عليه ونقدمه مع طرنشات الليمون ونعصر عليه الليمون وقت التقديم ماينفعش نغليه مع الليمون هيمرر ونحط الشاليموه والمعلقه فى الكبايه معاه ونحط شطه ناعمه للى يحب يزود الشطه
أحلى وأنضف واوفر بكتير جدا من بره وكفايه إنه من أيديكى مشروب شتوى جميل بيدفى ويدى طاقه وسعراته الحراريه قليله جدا ومليان بروتين وبيعلى الحرق وبيشبع ومناسب للجماعه بتوع الدايت هههههه وبالهنا والشفا وماتنسيش تدعيلى بقى
كنت معاكم شيف يمنى يسرى
من مطبخ يمنى ☕👩‍🍳

عن عشموذيع-Ashmozea

اضف رد

لن يتم نشر البريد الإلكتروني .

مشاركه